Back 2006 United States immigration reform protests English Protestas de inmigrantes en los Estados Unidos de 2006 Spanish اعتراضات ۲۰۰۶ اصلاحات مهاجرتی ایالات متحده آمریکا Persian Mouvement de 2006 contre la réforme de la loi sur l'immigration aux États-Unis French המחאה נגד רפורמת ההגירה בארצות הברית (2006) HE 2006 U.S. Immigration Reform Protests PDC Protestos de imigrantes nos Estados Unidos em 2006 Portuguese
Yn 2006, cynhaliwyd protestiadau gyda miliynau o bobl o blaid diwygio deddfau cyfredol yr Unol Daleithiau dros fewnfudo. Dechreuodd y protestiadau fel ymateb i'r ddeddfwriaeth arfaethedig H.R. 4437, bydd yn cynyddu'r cosbau am fewnfudo anghyfreithlon ac yn labelu mewnfudwyr anawdurdodedig ac unrhyw un a gynorthwyodd nhw i ddod i mewn i neu aros yn yr Unol Daleithiau fel ffeloniaid. Fel rhan o'r ddadl fwy am fewnfudo, bu'r mwyafrif o'r protestiadau nid dim ond yn galw am atal y mesur, ond hefyd am lwybr i gyfreithloni'r rhai sydd wedi dod i mewn i'r Unol Daleithiau yn anghyfreithlon a llai o oediadau yng Ngwasanaethau Mewnfudo'r wlad.
Bu'r cynulliad mwyaf ar draws y wlad ar 10 Ebrill, 2006, mewn 102 o ddinasoedd ar draws y wlad. Amcangyfrifwyd i'r torfeydd mewn nifer o ddinasoedd rhifo rhwng 100 000 i dros 500 000 o bobl. Roedd bron pob gwrthdystiad yn heddychlon ac atynnwyd cryn sylw gan y cyfryngau, er bu ddadl dros symbolaeth wrth-Americanaidd honedig mewn rhai o'r protestiadau. Cynhaliwyd protestiadau ychwanegol ar Galan Mai a bu nifer o'r gwrthdystwyr y diwrnod hwnnw yn cario lluniau o'r chwyldroadwr Che Guevara ochr yn ochr â baneri Americanaidd. Ymunodd sosialwyr a mudiadau asgell-chwith eraill â'r gwrthdystwyr yn ogystal â rhai mudiadau asgell-dde a grwpiau crefyddol.